傅穎謙仔合照零交流
過氣緋聞情侶傅穎（Theresa）與羅仲謙，前晚與周秀娜及Jessica C.等出席電影《熱浪球愛戰》首映禮，兩人堅稱冇尷尬及不介意將來演情侶，Theresa說：「都係做嘢啫！（原諒咗佢？）我依家生活好好，時常都好樂觀。」謙仔則讚她大方，但兩人全程零交流。
同場還有o靚模Mia與Jeana以性感打扮出席，搶去密實上陣的周秀娜不少「峰」頭，娜姐邊笑邊解釋：「話明打沙排就有人Set波啦！咁大家都唔想做扣殺，今晚就我做啦！」她還自爆早前返港時不慎拿錯行李勁緊張，因內裏有男友送給她的生日禮物手袋。至於Mia透露已邀請三名前男友睇首映，但不包括錢景峰，暗示因對方小器。
傅穎與羅仲謙一同出席首映但無交流。
Jeana繼續性感上陣搶「峰」頭！