趙碩之不甘搶鏡爆遇露體狂

趙碩之前晚出席首映時收起事業線，但有見「乳牛」蔡慧敏同場，碩之即無端端提起曾遇露體狂搶鏡，並稱搭港鐵時有人借勢抽水！

前晚蔡慧敏、趙碩之、鍾一憲、模特兒Alice B.及麥貝夷等出席電影《黑癲鵝先生》首映。以Tube Dress露膊上陣的碩之表示，戲名令她想起最近被捕的「露鳥男」，又自爆讀書時曾遇露體狂：「當時15、16歲，喺運動會看台突然見到個男人打開乾濕褸露下體，我同幾個女同學驚到唔識走，話晒當時未睇過呢啲嘢，好清純o架！」

碩之表示入行後曾乘港鐵，被抽水的情況更嚴重：「尤其係金鐘站好多人，啲男人唔知點解成日企唔穩，挨身挨勢！（你胸大有冇頂親人？）吓？咁我要講唔好意思！」至於麥貝夷亦指曾驚見露體狂。

搶人老公話好「High」

蔡慧敏穿上Deep V裝，胸前更無故插花，她解釋：「只係戴咗Nude Bra，又冇黐膠紙，驚件衫移位走光。」問到感情狀況，她透露與上海男友陳先生感情穩定，拍了幾個月拖：「佢做地產。（叫佢送樓？）唔使人送，我會努力搵錢。（結婚對象？）仲需要時間了解。」問到陳先生是否就是早前她被指搶佘詩曼男友的男士？她說：「唔係！雖然係嗰個人，但唔係搶人男友！（點解啲人話你搶？）報道夠話佢搶人男友啦！（係寫佢搶人老公喎！）係喎！咁佢High啲！」