黃宗澤拒露肉谷收視
新劇《潛行狙擊》演員謝天華、黃宗澤、陳法拉、徐子珊、劉松仁及章宇昂等，前晚在尖沙咀一間火鍋店舉行煞科慶功宴，預告劇集將於下月1日首播。早前慘遭偷拍的黃宗澤甫到場即說：「唔使問啦！總之劇集收視好要着泳褲同裸泳都唔使預我，反正乜都畀人睇晒啦！」對於黃宗澤拒露肉賀收視，天華笑說：「搵松哥頂囉！」他又透露將拍攝電影《Laughing Gor之節》續集，與不少新血鬥戲。
另一邊廂的杏兒，昨日與歐陽震華（Bobby）等拍攝新劇《樂府藏龍》，對於黃宗澤拿被偷拍裸照一事開玩笑，她笑說：「證明佢放開懷抱，我支持佢！佢個人好樂觀，加上又畀人讚身形好，冇事嘅！（感情進一步？）都係咁啦！同Bobby就有進步，好有火花。」談到楊思琦與李泳豪分手及被指「有喜」，她坦言是否「有喜」不能騙人，但為他們結束多年感情而可惜：「大家都愛過對方，希望好嚟好去！」
黃宗澤（左）及謝天華出席劇集煞科宴。
胡杏兒與歐陽震華Chok出騎呢表情。