周麗淇買樓做包租婆

周麗淇(Niki)早前飛往美國登台,匆匆四日有可觀的酬勞,不過也賺得辛苦!她表示近年經常返內地拍劇,搭飛機搭到傻,搵錢也辛苦,於是決定將血汗錢投資錢搵錢:「啲前輩教落將啲錢買樓唔好買股票,更加唔好買太多衫,加上近年經常出外探訪,見識多咗,人長大咗,所以諗住今年之內買第二層樓放租,我要做『包租婆』!」Niki坐言起行,即時減少買衫,並請媽咪代為物色一千呎以下的細單位,睇準時機,隨時入市買樓再做業主。

周麗淇早前到美國登台,趁有空四出遊玩。