Hidy代言選美開工即潛水

將推出個人寫真的新八模成員余曉彤（Hidy），成功升呢擔任潛水小姐大賽代言人，將上灘下海拍宣傳片，勁過寫真勁敵Jeana！

周秀娜師妹余曉彤今年單飛參與寫真戰，與同公司的Jeana（何佩瑜）正面對決。Hidy曾諷刺對方經常口舌招尤，自己則「默默」做，最近更憑運動健將形象，獲睇中出任《國際潛水小姐大賽》代言人，可謂威水過Jeana。

Hidy將遠赴馬來西亞小島馬寶島四日拍攝宣傳片，期間要在沙灘及水底拍片，體力需求甚大。日前，她特別到潛水用品店試衫，在大隻潛水教練男友Willian陪同下換多套潛水衣及泳衣，香港潛水總會副主席歐焯申亦從旁給予意見。對於潛水技能獲賞識，Hidy大感榮幸：「估唔到今次因為呢個技能會有工作，唔係個個做到o架！」期間，她還細心地為男友挑選潛水衣，非常Sweet！

僭建驚爆波

此外，Hidy接受專訪時藐爆女星整容，自言崇尚天然︰「要開刀？等生仔先啦！我就唔會整，但阻止唔到人哋。自問個樣唔係最靚，但都唔算醜，整嚟做乜？（隆胸？）我鍾意潛水，一陣落到水底有水壓，『爆波』就唔好啦！」她將推出最貴寫真集，對銷量充滿信心！