大讚乖孫好靚仔 四叔諗計重賞子淇

千億新抱徐子淇終為夫婿李家誠誕下麟兒，李家上下喜氣洋洋，新任Daddy及爺爺李兆基（四叔）昨日出席公司旗下的銀團貸款簽約儀式。繼派錢給員工後，李家昨日再派八珍薑醋券給傳媒，齊齊分享喜悅。四叔面對傳媒仍難掩興奮，記者上前恭喜他，他即揮手致謝。

問到是否抱得男孫很高興？四叔笑說：「好高興，多謝上天賜福！（所以派1,500萬元利是？）每人1萬差唔多，我哋有千幾個員工！（有冇送嘢畀子淇？）你哋都有人結咗婚生咗BB，（你啲家人）送啲咩畀你哋？我考慮緊，梗會送！」他承認買了地皮起大宅，打算一家人同住，問到孫仔是否靚仔？他精靈地說：「好靚仔！五官端正，似家誠多啲！（想唔想子淇再生？）順其自然！」

姊姊冇呷醋

至於發了福的李家誠亦明顯心情大好，他透露子淇精神很好，仍在休息中，但否認她懷孕期間暴肥。問到是否送上逾億元遊艇給囝囝？他否認：「冇呢啲嘢，只係送咗小禮物畀子淇！（囝囝性格點？）未睇到住，我估佢活潑啲啩！（會唔會再追多個？）休息吓先，遲啲先算！」他又強調兩個女兒沒有呷醋，而作為父親的他也很識做，代弟弟送「見面禮」給姊姊。