鍾嘉欣促政府立例阻嚇
鍾嘉欣（Linda）對於無綫安排四位受害人到私隱署投訴，Linda說：「好事吖！偷影到去屋企入面真係好唔啱，屋企係一個自由地方，每個人都有自己嘅生活方式，我自己喺屋企驚畀人偷影，一向都唔開窗簾，發生佢哋呢件事之後就更加驚，所以好希望政府能夠立例保護我哋啲藝人，如果公司（無綫）有咩安排，我都會支持。」
此外，黃秋生以過來人身份認為去信私隱署，根本無實質作用：「冇用o架，我個仔舊年被雜誌偷拍，我夠搵律師去信私隱署投訴，佢哋覆我話登咗出嚟就係新聞，唔係私隱，唔接納我投訴。」
至於佘詩曼則說：「我好支持無綫今次嘅行動，因為今次偷影真係好過分，係嚴重侵犯私隱，好希望大家尊重吓啲藝人，政府亦應該係時候正視呢個問題，因為好影響社會風氣，甚至會影響下一代。」
鍾嘉欣坦言發生偷拍事件後，她亦擔心成為偷拍對象。（資料圖片）