今年港姐分組着一件頭及三點式泳衣，難得身穿一件頭泳衣的佳麗未覺輸蝕！被視為熱門的(5)朱晨麗，之前穿泳衣十分生硬，但昨日換過一件頭後卻突然生猛：「我有對鏡練習擺甫士嘛！（一件頭埋沒身材？）唔會！一件頭可以凸顯身材，上次嗰套可以騷腹肌，今次騷線條仲好，唔使次次一樣！」至於同樣以一件頭泳衣上陣的(14)朱希敏則表示，對泳衣安排相當滿意：「幾好，可以騷到線條美！（一件頭較失色？）冇考究呢啲，唔會唔公平！」而(6)梁麗翹為了穿泳衣更好看，揚言會做運動喼弗。
(5)朱晨麗（左起）、(6)梁麗翹及(7)胡中慧各具味道。
