(3)許亦妮吸氣收腩骨凸凸

一直被指「大隻」的(3)許亦妮，身形雖稍見回「瘦」，但全程看來極不自然，除了轉甫士時動作生硬外，原本想挺胸收腩的她，弄巧反拙令肋骨更為凸出，認真礙眼！事後她否認緊張，並將所有「罪名」歸咎於肋骨上：「我冇緊張，好正常呀！（係咁挺胸？）冇呀！平時都係咁o架啦！可能自己肋骨大，着泳衣特別顯眼！」自信爆棚的她，更自誇身材完美：「肋骨大唔夠完美？唔係喎！我覺得幾完美，之前可能甫士問題啫！（咩甫士先靚？）側面影好啲！」上圍數字冠絕今屆佳麗的她，看來卻不及李天縱震撼，難得她亦讚對方身材好：「我哋係好朋友又係同房，感情好好，唔想比較！」

許亦妮出力挺胸收腩，反而令肋骨更凸出。