姬赫遜巨戒晒命奉子訂婚

腹大便便的姬赫遜前日接連接受訪問，更大晒訂婚戒指，正式宣布與男友Matthew Bellamy訂婚，雙喜臨門！

正安心養胎的荷里活女星姬赫遜，前日先後上《Today Show》及《大衞牙擦騷》接受訪問，宣傳新片《婚前借愛》之餘又暢談大肚趣事。姬接受Matt Lauer訪問時，被問到無名指上的巨型鑽戒是否「新嘢」？她笑說：「係新o架！我訂婚喇！上個星期喺紐約發生嘅，未真正宣布過，好開心你發現咗，我等人留意呢！」問到男友如何求婚？她只說是非常浪漫及甜蜜，但未有定下結婚的好日子，因希望分娩後才行禮。喜事重重的她，更於節目上大讚男友靚仔！

傳Chris求婚成功

雖然姬要準備分娩及結婚等私人事，但仍馬不停蹄宣傳新片，而她與首飾品牌Chrome Hearts合作推出的珠寶系列CH+KH亦於今夏推出，絕對是公私兩忙！另一邊廂，《Jersey Shore》女星Angelina Pivarnick亦宣布懷孕，另有傳男歌手Chris Brown上周末以電話向女友Karrauche Tran求婚成功，不過Chris發言人否認有關報道。