楊愛瑾末日前唔急結婚

最近楊愛瑾(Miki)成為護膚品代言人,贊助讓她慳了扮靚開支,她時刻保持健康,隨時準備連任代言人:「成日做運動,唔食消夜,之前食消夜肥咗15磅,我個人好易圓,好似肥妹,之前戒消夜戒得好辛苦。」她透露靠游水保持健康膚色:「早前先游完水,係今年嘅下水禮,本身好易曬黑,我仲特登唔用防曬,好怕嗰種『立』嘅感覺,好似洗唔甩咁,結果曬咗一個鐘就黑喇!」

其同門董敏莉希望在世界末日前與男友結婚,Miki有多年的緋聞男友「永安太子爺」郭永淳,但她對婚姻仍不為所動:「冇衝動去結婚,喺世界末日前搵到個互相愛大家嘅人已經夠,唔心急結婚。」

楊愛瑾沒有結婚衝動,只求找到真心相愛的另一半。