譚晴錄音受挫衝入廁所
憑參加廣告代言人選舉入行的譚晴，勇闖樂壇推出處男EP，還邀請同經理人公司的范振鋒做監製，他說：「監製話唔期待我技巧熟練，話我似未雕琢嘅鑽石。」
初踏入錄音室，譚晴便遇到挫折，他說：「自己寫咗首歌《塗鴉》，諗住自己作一定唱到，而且之前又夾過Band，但原來平時唱歌同入錄音室完全唔同，覺得自己蠢，唱極都唔得，頂唔順就跑咗入廁所。」
不過，監製范振鋒對譚晴讚賞有加：「自己都做過新人，明白鬧係冇用，佢雖然唔係超級巨聲出身，但有基本唱功，本身又識作曲，我畀佢85分，不過都要再訓練吓。依家佢跟王菀之、吳雨霏嘅老師學唱歌，佢把聲幾似謝霆鋒。」譚晴視霆鋒為偶像，表示學結他都是受霆鋒影響，雖然他的聲線似霆鋒，但樣子就似阮經天（小天），他說：「同學都叫我做『經天』。」
范振鋒（左）對譚晴讚賞有加。