王梓軒搓湯圓義賣

王梓軒（Jonathan）為日本賑災不遺餘力，繼捐出新碟所有收入給日本紅十字會後，日前再與食肆合辦活動，與歌迷炮製湯圓義賣籌款，寓意日本災民早日與家人「團團圓圓」。

唱作歌手王梓軒響應日本藝人GACKT的《Show Your Heart》慈善計劃，捐贈新碟《超越格式》所有收入給日本紅十字會，再與吳雨霏及MC Jin灌錄打氣歌《Strong》，為賑災出錢出力。

可是他的慈善工作還未完結，日前他與國際歌迷會及食肆合作，一起炮製湯圓在歌友會中義賣，湯圓寓意「團圓」，希望日本的災民早日和家人團圓、重建家園。

親自檢查品質

此外，他亦希望籌得更多善款，支持日本重建工作：「喺外國讀書咁多年，都試過喺一啲節日同同學仔一齊煮湯圓，但今次意義唔同，係為咗日本嘅朋友而整！好有意義，我都好開心！」他自爆親自負責品質檢查，確保湯圓清潔：「首先檢查佢哋手指乾唔乾淨，再試食佢哋啲湯圓，我差唔多食咗廿幾、三十粒，覺得OK先收貨！（啲湯圓有咩特別？）佢哋好有創意，自創一啲唔同形狀嘅湯圓，令到食嘅人食得開心，捐錢都捐多啲！」