彈港台不公Rednoon無懼封殺
樂隊Rednoon早前推出處男碟，但因為碟上疑似納粹標誌而被秦沛兒子姜文杰鬧爆。但一波未平一波又起，他們去年底參加港台倒數活動，因有感大會安排不公，在台上力數港台，被同業大罵博宣傳，惹來一向標榜公平公正的港台DJ梁德輝亦甚為不滿，更在微博「爆粗」大罵！對此Rednoon說：「我哋只係為自己爭取公平，拚住死，唔怕封殺！作為一個標榜公平公正嘅DJ，竟然咁講嘢，係就當面同我哋講！」他們自言不會因此對樂壇死心：「我哋唔信邪！愈做唔到愈要做！我哋唔會巴結人、亦唔會『埋堆』！」
