洪卓立施髮玩一柱擎天
早前洪卓立（Ken）以80後身份參與電台節目《我要做得到》環節，與主持人彭詠儀（Morle）挑戰於三小時內變身專業髮型師，Ken說：「80後依家經常被人標籤，有人覺得係唔上進，淨係識得怨嘅代表，有啲人就認為80後比較敢言，呢個任務係想以行動證明80後唔係張張刀、冇張利。」
Ken與Morle挑戰「洗頭、染髮、剪髮」三個任務，過程中蝦碌連場，Morle竟由洗頭變洗衫，她說：「洗洗吓傳嚟一聲慘叫，原來啲水已經直入個客人嘅背脊，平時畀人洗就歎，原來真係好考工夫！」而Ken染髮時發揮創意，為客人設計「一柱擎天」髮型，他說：「自己最驚係幫人剪頭髮，雖然話會生番出嚟，但人哋都要見人㗎！好彩最後都順利過關，髮型師仲畀咗70分我哋，佢仲講笑話有10分係畀佢自己。」
洪卓立化身專業髮型師，為客人洗頭、染髮和剪髮。