林司敏素顏洗o靚味擔心趕客

林司敏每次拍戲都有獨特造型，繼在《童眼》中化鬼妝後，在新片中又被導演彭順要求素顏現「真身」，她笑言希望不會引起觀眾不安。

江若琳師妹、寰宇藝人林司敏（Ciwi）曾參演多部電影，令人印象最深刻是在電影《童眼》中化鬼妝示人，造型恐怖，令她畢生難忘！最近在新片《B+偵探》中，她又被導演彭順要求素顏上陣，她慶幸平日做足護膚工夫：「我個角色較滄桑，試晒妝後導演唔滿意，結果逐樣落妝，最後變成冇化妝，點知導演反而收貨！佢話要抹走晒啲妹味道，唔需要有任何氣色，希望唔會引起觀眾不安啦！」

獨留酒店驚餐飽

向來細膽的她，在泰國拍攝期間獨住一間酒店房，她說：「間酒店嘅裝修同布置都偏舊，不時有裝修工人走嚟走去，好似即將遷拆咁。有次夜晚返酒店房，見到同層其他房都打開晒門，間間都冇人住，我懷疑成間酒店得我一個，諗起都心寒，媽咪知道都話我點解咁夠膽！」她在片中以普通話講對白，考獲專業普通話資格的她坦言大派用場，更笑指導演彭順的廣東話不時鬧笑話：「我哋仲笑佢有個人風格呀！」