鄭融閉關半年釋放恐懼

入行7年的鄭融，自爆因長期受壓抑而背負着無形壓力，令她心生恐懼！經過半年休息探索，她終開竅釋放自己，活得比以前更開心！

鄭融剛與星娛樂續簽唱片連經理人合約，更獲老闆薛嘉麟點名力捧，被形容為「一姐」的她笑說：「一唔一姐好難界定，最緊要做好本分，提醒自己有好多學習機會，令自己得以提升進步。」

去年放了一個悠長假期的她，因感到迷失而爭取休息，趁機探索壓力來源。她自爆有股無形壓力存在，令她變得緊張、驚慌：「有某一部分長期受到抑壓，但又唔知係乜，考慮咗一年後，我決定同公司請假。」原來她很介意被指「黑面」，她笑說：「初出道時成日畀人話我笑容唔夠，唔知點解畀人咁嘅錯覺，擔心對形象有影響，孭住呢個壓力好耐，個人好驚，令自己鑽牛角尖，但依家放開咗，唔會再介懷，個人開心咗好多。」

自覺雙眼性感

鄭融生得細細粒，卻擁有S身形，舉手投足散發性感味道，甚為誘人！她哈哈大笑說：「多謝大家讚賞！」她認為圈中以劉嘉玲最性感：「佢好自然散發出嗰種味道。」她覺得女性的性感來自自信及經歷，問到她的性感在哪裏？她笑說：「真係唔知，好攞命，隻眼啩！但拆開晒五官，又冇乜特點囉！」

文：音樂組

攝：黃叔榮

髮型：Kate Shek@Hair Culture

化妝：江中平＠A&V Make Up School

服飾：Cocktail

場地：Metro Park Hotel