碧咸闔家飛倫敦賀王子大婚

威廉王子的大婚將於今日舉行,與他交情甚篤的碧咸,即使日內要趕返美國為効力的球隊洛杉磯銀河作賽,仍不介意舟車勞頓與老婆Victoria帶同三個囝囝布魯克林、羅密歐及告斯飛到倫敦,出席威廉的大婚。前日碧咸出發在即,興奮得在Facebook貼上短片分享感受:「皇室婚禮實在太美妙,全國上下都渴望它的來臨。」而另一位英國萬人迷羅拔柏迪臣雖然冇份出席,但表明會在電視機前𥄫實婚禮直播,更對肩負重責的準王妃凱瑟琳表示同情,因身為皇室成員絕不容許半點差錯。至於韋法奴亮相節目時,笑言與威廉王子是老友,又示範英式社交禮儀濕吻鏡頭,要勞煩主持大衞利達文抹走口水。

香港藝人方面,身在倫敦的天后容祖兒,原本打算於演唱會後走到街上見證王子大婚,可惜被經理人霍汶希以安全理由打消念頭,她接受長途電話訪問時說:「驚太多人,又驚畀王子Fans踩扁,我又帶埋媽咪一齊,都係唔冒險喇!」而準新娘諸葛梓岐對於凱瑟琳一夜間成為王妃,有「公主」之稱的她反應平淡,只表示若有時間才會收看電視直播:「係開心事,不過始終同中國文化唔同,唔會特別參考佢地嘅婚禮。(羨慕凱瑟琳嫁真正王子?)男友都係我心目中嘅王子,最緊要自己點諗!」

祖兒未能留在倫敦親睹王子大婚。(資料圖片)