樂基兒貼身裙辟孕味

「黎明嫂」樂基兒棄穿娃娃裝，以行動打破懷孕傳聞，還踢爆黎明不愛應酬，就算她叫亦不理會，與追求時態度截然不同！

文：名人組

樂基兒（Gaile）昨日以代言人身份出席Latisse睫毛增長液活動，同場還有李亞男及「Canon甜心」Alice B.。Gaile穿上性感貼身大露背連身裙示人，並謂大會本安排她穿娃娃裝，為免被再度誤會懷孕，她選擇貼身裙，還笑說：「我一直都唔覺得自己肥，係你哋覺得我肥又話我有咗。」她又謂十分滿意自己的眼睫毛：「我試咗四個月，效果好滿意，因為做模特兒成日化妝會甩好多眼睫毛。」問到黎明有否讚賞？她表示老公雖然對美容不太熟悉，但也有發現她的眼睫毛長了不少。問到黎明的眼睛是否很迷人？她說：「Of Course。（有冇地方要改善？）鍾意一個人，乜都會鍾意，我鍾意佢聰明、性格好、心地好好。」

黎明少應酬

提到內地近日嚴打毒品，而黎明經常到內地工作，問到會否怕老公受牽連？Gaile說：「我一啲都唔擔心，佢只係去做嘢，佢平時好少去應酬，連喺香港都少應酬，我成日叫佢出去，佢都唔去。（未結婚之前都同你去峇里？）可能佢追我，我去邊佢都肯。（依家會失望？）唔會！我自己都少咗出去，多數留喺屋企，可能因為年紀大。」