秋生開口中衰足3年

今年是《金像獎》30周年，本屆頒獎禮將於周日舉行。回顧過去29屆盛事，不少影帝除有難忘造型外，亦爆發如珠妙語！當中以周潤發的軍褸Look最經典，黃秋生的感受則最「應」！

向來演技出眾的黃秋生，1994年憑《八仙飯店之人肉叉燒包》稱帝，揚言奪獎後衰足3年！誰知「好嘅唔靈醜嘅靈」，難怪他1999年再稱帝時，問到可擔心再衰多3年？他笑說：「今次係第18屆，『實發』嘛！下屆就唔好攞，19喎！實『咩』啦！」看來他見鬼怕黑，終於學識慎言！

張家輝多謝老婆

憑《証人》奪得第28屆影帝的張家輝，對金像魔咒有另一番見解：「最佳演員一係好，一係做小販，如果我真係做小販，請大家記得第28屆香港金像獎最佳男主角係張家輝，多謝去世嘅家姐同我太太（關詠荷），佢照顧得小朋友好好！」

梁家輝小販影帝

1984年，梁家輝憑《垂簾聽政》奪得第3屆金像影帝，當年他的造型是一襲西裝配金絲眼鏡，絕對是當年的型男打扮，雖然他稱帝，但卻未有令其星途變得順利，反而曾經因冇工開一度要當小販維生！

劉青雲薪火相傳

提名常客劉青雲，2007年終於憑《我要成名》稱帝：「我諗大會會畀多少少時間我，話晒我都等咗咁多年！我入會場嘅時候，見到『薪火相傳』4個字，覺得自己攞影帝都唔定，因為要接黃秋生哥哥、郭富城哥哥同梁朝偉哥哥棒，好好咁拍戲！」

周潤發乘機派帖

《金像獎》3屆影帝周潤發，1987年奪得第1個金像影帝時，竟以便服軍褸赴會，怎知最後憑《英雄本色》稱帝：「我提名過3屆，等咗3屆，今次喺毫無心理準備下得獎，遺憾着得咁隨便！」事後他邊說得獎感受，邊拿出當年跟陳薈蓮結婚之喜帖給鄭裕玲及鍾景輝，鍾景輝笑說：「你都幾識利用時間！」

曾志偉怕畀人玩

曾志偉最愛宣布得獎名單時大玩錯摸搞氣氛，1992年，他憑《雙城故事》奪得第11屆金像影帝，當得悉獲獎一刻，他故意很慢才上台：「我怕人開玩笑，如果對方大聲話：『最佳男主角係曾志偉……嘅好朋友！』我就即刻企起身咪好瘀，所以等佢講完先上台領獎！」