祖兒奪大獎成「蕉」點
內地樂壇盛事《第11屆音樂風雲榜年度盛典》昨晚舉行，容祖兒以一身鮮黃色「蕉Look」晚裝及穿七吋高踭鞋示人，連手指甲都塗上黃色，非常搶眼！當大會宣布祖兒獲「年度最具影響力大獎」時，坐在她前排的張家輝即擰轉身握手致賀，老友鬼鬼。對於獲大獎，祖兒坦言感到非常高興：「好開心呀！冇諗過攞啲影響力嘅獎，呢個頒獎禮牽涉到中、港、台三地歌手，競爭好大，今次真係好榮幸！我會繼續努力，希望大家畀多啲機會我！」除了頒獎外，大會邀得S.H.E成員田馥甄及林宥嘉演出，與二十多名小朋友合唱《給孩子》，感動全場。
另外，大會主席那英、張家輝與韓庚等行紅地氈，不少歌迷沿途歡呼，氣氛熱鬧。家輝紮辮仔型爆現身，粉絲的尖叫聲與韓庚的粉絲相比絕不遜色！內地歌手尚雯婕以包頭妖姬造型示人，全場「O嘴」。