阿姐丘亞葵隔空開戰

無綫近日有不少小生花旦有離心，未知是否為加強軍心，昨晚由副行政主席梁乃鵬領軍高調為阿姐汪明荃慶祝加入無綫四十周年晚宴。阿姐與演唱會主辦單位負責人丘亞葵，早前因演唱會「座位」編排而不咬弦，昨日「明荃之友會」發信給傳媒，指有傳媒對阿姐的報道不公，為阿姐討公道。對此，阿姐多謝Fans支持，提到丘亞葵揚言冇錯，有報道更指他會取消明年與她在紅館的粵劇合作，阿姐說：「仲離譜！有記者打畀我，我都話冇呢件事，都冇人聯絡我、搵我傾過，我都叫佢唔好亂寫，李居明冇搵我，只係之前慶功佢個大弟子話佢想傾，但都未認真傾過！（報道指你難相處？）我點會難頂啫！（再同丘亞葵合作？）好難講！大家要開心！」她表示有很多事要處理，不會對質。另一邊廂的丘亞葵則仍強調問心無愧：「今次花咗咁多資源搞演唱會，好遺憾！」問到會否跟阿姐再合作？他指要講緣分，但暫時看不到。至於粵劇合作，他指是李居明想投資，與他無關。

另外，昨晚阿姐在無綫舉行慶祝加入無綫四十周年晚宴，她表示本來有請鄭少秋出席，但對方有事冇到，並否認與「座位」事件有關：「唔係！我同秋官都冇嘢！」