GiGi無懼核輻射每周吔魚生
早前在微博籌款捐助內地及日本地震災民的梁詠琪（GiGi），昨日以全白色連身裙造型為日本護膚品牌FANCL拍攝新一輯廣告。問到是否因日本輻射問題而急拍新廣告宣傳？GiGi坦言對對產品充滿信心：「據我所知啲產品冇受任何影響，所以可以放心用嘅！」她透露近日繼續食日本菜，更每周幫襯一次以示支持：「日本餐廳依家好慘，未必轉到型！其實就算魚生冇毒，都唔能夠日日食，所以一星期食一次都唔會有問題！」
學霆鋒開公司
此外，GiGi自爆將於今年開公司做老闆，問到是否效法謝霆鋒？她笑說：「我冇佢咁大規模，係小公司，想做一啲音樂創作同填詞嘅嘢（有冇合夥人？）一定有，背後有龐大嘅支持，壓力先冇咁大！」並透露新公司已籌備了大半年，細節亦已辦得七七八八，今年應該能成事！她又不忘盛讚霆鋒厲害，能隱藏「升呢」老闆的事實多年：「我都係做半個老闆，但都好興奮，忍唔住要講出嚟！」
GiGi扮靚靚拍攝廣告，吸引不少傳媒到訪。
已擔任代言人12年的GiGi，大讚廣告商長情，酬勞亦跟通脹成正比。
愛吃日本菜的GiGi，無懼輻射威脅，每周照擦魚生。（資料圖片）