爆！篤住阿B鼻頭狂鬧

前日下午，鍾鎮濤（阿B）、范姜及鍾嘉晴在麥當勞道半山樓寓所大堂「巧遇」章小蕙妹妹章小婉，期間范姜與小婉因事爭執。據警方表示，一名章姓女子報稱電話遭人掟落地，事後有人報警，警方以涉刑事毀壞拘捕一名范姓女子，並以一千元擔保。

據知情人士透露，小婉疑聲稱知道嘉晴「面腫流牙血」，因而狂鬧阿B，阿B按捺不住說：「唔好再騷擾我屋企人，唔好騷擾嘉晴！」她即大叫：「你係邊位呀？」阿B遂說：「我係佢老竇！」期間，小婉發難指實阿B鼻頭狂炳，范姜即上前制止。混亂間，小婉的電話跌落地受損，她隨即報警，警員到場後，小婉仍不停狂叫。並向警方表示嘉晴面腫口腫。不過，另有指因范姜指摘小婉多管閒事，雙方發生激烈爭吵，其後小婉被逼埋牆，當她準備拿出電話錄音之際，有人一手搶去電話並將之擲爛，故報警求助。

此外，據悉阿B搬入上址後，才發現跟「前度姨仔」章小婉住同一幢大廈，雖然雙方是「過氣親戚」，但一直不相往還，雙方互有積怨。