監製創意爆燈
監製Julian Erskine受訪時透露，開始構思《舞》劇時，便打算加入歌曲與樂器演奏的元素：「如果成個騷都係愛爾蘭舞，無論幾精彩觀眾都會覺得麻木！」他又指《舞》劇表演一直演化：「依家西班牙舞女郎跳舞時，加入咗四個愛爾蘭男舞蹈員一齊跳；而早前喺北京表演時，又加入三個中國傳統樂手。」
Julian指出一般愛爾蘭舞蹈員要從小學舞，但亦有例外：「我哋多年前到東京演出，一個叫Taka嘅少年睇咗後嘆為觀止，買DVD返屋企睇，其後仲到愛爾蘭學舞，成功加入我哋劇團！依家佢喺日本開辦愛爾蘭舞學校。」很多舞蹈員離開劇團後都轉行教跳舞。
監製Julian Erskine希望《舞》劇表演多元化。