Rihanna自認SM女奴

Rihanna的新歌《S&M》提及性虐待題材，原來她並非吹水，現實生活中亦鍾情玩SM，最享受被綑綁及掌摑！

言行大膽的Rihanna最近接受《Rolling Stone》雜誌專訪，自爆閨房性事！她表示平日工作經常要做果斷決策的大女人，故在房事上寧願做個小女人被操控。曾在《S&M》MV中被綑綁的她揚言自己有點被虐狂，喜歡被綁起及掌摑，但強調不喜歡用道具如鎖鏈及皮鞭等，覺得太造作及不想花時間去拿，速戰速決就最快！提到曾流出裸照，Rihanna不諱言很喜歡拍三級相傳給男友，指自己不在身邊時男友亦可以用相「解決」，認真開放！

放生Chris並非復合

訪問中，Rihanna亦首次開腔談及前男友Chris Brown獲同意撤銷禁制令一事，問到為何放寬其禁制令？她說：「我唔想因為私人事而影響佢嘅事業！如果要佢遠離我100呎，代表佢唔可以出席有我在場嘅頒獎禮，我唔想咁囉！」不過，她強調大家久未有聯絡：「有生之年亦唔需要有任何聯繫，畀條生路佢唔代表我哋會和好如初。」問及被Chris虐打後如何面對群眾，Rihanna說：「我變得好自我保護，亦唔想人哋見到我喊而同情我。嗰段時期係我最軟弱，但唔想人哋認定我係弱者，我要變得更堅強。」另外，緋聞多多的她最近被老友出賣，發放幾張近日她與前男友Matt Kemp撐枱腳的照片，未知是否舊情復熾？