陳偉霆唔剝衫做打仔
早前陳偉霆（William）接拍一齣動作片，稍後會起程到無錫及內蒙逗留約兩個月進行拍攝。問他今次可需裸露？他笑說：「終於唔使露，不過要打！要拍自由搏擊同騎馬鏡頭。」
即將到內蒙拍戲，William早有準備：「要帶風扇同冰袋，仲有防曬同防水化妝品，因為內蒙氣溫四十幾度，我太大汗，驚上唔到妝。」他表示期間要「攝」期返港宣傳新碟，唱片公司人員已叮囑做足防曬，笑言不想被誤會他轉型做「黑人歌手」。
談及有策騎戲份，他自命與動物有緣：「經理人擔心過我，因為我係跳舞歌手，手同腳唔可以受傷，佢話要幫我買重保險。」
