林莉愛中產唔吼富豪

名模林莉接受《娛樂on Show》訪問時表示，求學時已屬高妹一族，被封為「港版林志玲」，她表示兩人各擅勝場；她又強調並無富豪向她招手，拍拖最緊要互相尊重。

熱爆網站ontv猛料如雲，除了有最新鮮熱辣的娛樂新聞外，還有獨家追蹤新聞，以及名人紅星專訪，內容豐富，難怪瀏覽次數經常爆燈！由港姐轉型為模特兒的林莉，日前接受由周吉佩主持的《娛樂on Show》訪問，暢談工作點滴。林莉求學時已是高妹一名，更高過不少男生，顯得分外矚目，她說：「嗰陣已有166cm高，我哥哥同細佬又讀同一間學校，佢哋啲同學，即係師兄師弟都有走過嚟識我。」

談及愛情觀，林莉表示拍拖要互相尊重，以及真心待她好，至於有傳有富豪招手，她說：「真係冇喎！而且我覺得拍拖唔需要去到富豪背景嘅，但係要有經濟基礎，捱麵包係唔得嘅！中產小康之家就最舒服。」她又自言有經濟能力，故覺得錢銀不是問題。

讚林志玲性感高貴

此外，對於被指為「港版林志玲」，林莉表示不覺得似林志玲（Chiling），但對Chiling卻讚不絕口，她說：「選港姐嗰陣都冇人咁講，係突然之間話我似，Chiling畀我感覺係高貴、女性化同性感，而且佢似一位名人同演員，反而我係專注模特兒工作為主。」曾與Chiling同台比併的她表示，對方身材較她優勝，而自己則勝在勻稱。