譚凱琪險身陷3.11大地震

黃翠如、譚凱琪（Zoie）、李嘉馨（Ali）及強尼（許博文）等有線娛樂台藝人昨日宣傳四、五月新節目攻勢。黃翠如為了拍攝旅遊節目而講大話：「同屋企人講去日本幾日返，當然係地震前，其實去咗俄羅斯、羅馬尼亞、烏克蘭成幾十日至返，講大話都係唔想屋企人擔心！」而她原定前往約旦及伊朗拍攝旅遊節目，因局勢混亂，有線基於安全問題宣布取消。至於Zoie差點在日本親歷3.11大地震：「我2月15日出發去北海道拍攝，拍完返嚟香港，日本就地震。始終我哋少經歷地震，唔識面對，可能逃生時會為日本人帶來不便。」而Ali將於下月赴日本：「我同強尼會去大阪，唔擔心飲食同安全，就算帶乾糧去，我都係帶啲口痕零食去啫！」

另外，有線電視企業執行董事兼總經理曾展章說：「下半年會有爆炸性節目攻勢。（製作派錢遊戲節目？）有錢不如放喺製作上仲好。（申請免費電視牌照進展點？）未有消息，希望廣播事務管理局快啲做決定！」