楊紫瓊約昂山淑姬飯敍
楊紫瓊在新片中飾演緬甸反對派領袖昂山淑姬，昨晚她出席活動時透露，電影已拍攝逾3個月，正進行後期工作，希望趕及於10月上映，但暫時未有片名：「部戲籌備咗4年幾，我日日夜夜都睇佢嘅書，聽佢訪問，好似同佢一齊咁。今次嘅角色唔只扮佢，仲要明白呢個女人點解咁偉大、咁堅強。」
楊紫瓊透露昂山淑姬獲釋後，雙方見過一次面及共進晚餐，並大讚對方非常親切：「好似家人見面咁，自己人一樣！」她指對方十分坦白，不介意分享被軟禁的日子：「聽得出佢好掛住個仔！」問到二人有何相似之處，她說：「個樣幾似，高度亦差唔多。佢當時身形好削，但狀態好好，好精神，係一個好有才華嘅人。原來佢個仔係我Fans，仲好鍾意睇動作片。」
楊紫瓊與昂山淑姬會面時無所不談，大讚對方親切坦白。
久未在港露面的楊紫瓊，甫出現即被大批記者包圍。