陳奕迅負傷喪跳避橙
陳奕迅（Eason）第四度與果汁品牌合作拍廣告，與逾千個新鮮橙做「對手戲」，他興奮地說：「第一次喺同一個地方見到咁多個鮮橙，仲可以體驗瞓喺上面嘅感覺，同過千個鮮橙『同浴』，感覺十分有趣！」
早前左腳十字韌帶撕裂的Eason，不乏動作鏡頭，為防傷上加傷，他要避開地上不停滾動的橙時，只輕輕跳起，但他十分賣力，彈跳功夫了得，還來回奔跑數十次，被激讚身手敏捷，Eason自豪地說：「我身手真係唔錯，如果有導演要拍攝武打片，真係可以考慮吓我。」但Eason的工作檔期排得密麻麻，預計要待明年才有期做手術，他表示現在要不停鍛煉大腿以上的肌肉，代替十字韌帶的運作。
此外，因版稅問題未能亮相無綫的Eason，早前為亞視拍攝音樂特輯《觸動˙陳奕迅》，化身職業司機接觸不同階層市民，節目中會播放由他太太與梁漢文、蘇永康、房祖名等好友拍攝的新歌《最後派對》MV，又會與林敏驄慶祝生日，交流音樂心得。
Eason與逾千個橙共浴，大呼有趣。
Eason不停彈跳避開地上滾動的橙，幸未摔倒。