歌曲任下載Leon阿詩出力賑災

黎明（Leon）昨日以榮譽主席身份出席「香港華菁會」的成立儀式，對於日本大災難，黎明深表關注：「日本嘅天災好嚴重，呢分鐘唔係錢可以幫到，最緊要係有臨時地方畀佢哋同乾淨食水。」

否認太太有喜

Leon坦言下月1日無暇出席演藝人協會舉辦的燭光晚會，但公司Amusic將會破例將旗下歌手的歌曲放上網畀歌迷下載，作籌款之用：「今次係破例，包括MV同歌曲，揀一啲鼓勵性嘅歌曲，希望對日本表示一份支持。」

據知，歌曲包括黎明、衞蘭、李治廷及JW的作品，而善款將全數捐到日本作災後重建之用。被問到太太樂基兒懷孕的傳聞，Leon否認：「肯定唔係。」他又對衞詩的復出不置可否，只稱適當時候會作出公布。

另一邊廂，何韻詩昨日接受電台訪問時透露，下月1日賑災晚會本來有工作，但她決定改期。而她自發在網上演唱籌款，有傳神秘人捐款20萬元，她說：「當晚歌迷共籌到17萬，有心人捐出3萬齊頭20萬，我自己捐10萬。」