劉美君昨日出席《靈灰安置送暖大行動》，計劃六月出國語碟，卻因環球歌手身份未能到無綫宣傳：「唔覺可惜，之前所謂音樂節目都係講多過唱，唔上無綫唔係問題，如果亞視可以畀我唱Live，真正宣傳到隻碟，我會去！（被撤換《超級巨聲》主持？）唔算不歡而散，只係被通知唔使再做，有啲唏噓！」同場的陳玉蓮想返無綫拍古裝武打劇：「香港古裝片被韓國同內地取代，希望我拍番套代表作！」
