林欣彤認與羅孝勇行街

林欣彤早前被拍得與緋聞男友羅孝勇甜蜜行街，前晚她坦承曾與羅孝勇出街，更明言羅孝勇與其他朋友差不多！

林欣彤與楊秀惠及周家蔚等前晚擔任無綫新節目《魔法擂台》嘉賓，提到早前被拍得與「巨聲幫」緋聞男友羅孝勇出雙入對及當街玩翹手，林欣彤澄清當日是一大班人出街，但只有她與羅孝勇二人被影：「嗰日其實係有個之前巨聲嘅內地參賽者嚟香港探我哋成班人，所以大家就出咗去行街。（玩翹手？）唔係啦！其實係三個人一齊行。（同羅孝勇發展緊？）佢同其他朋友差唔多，都係朋友囉！其實傳咗好耐，仲話我拋低胡鴻鈞（另一巨聲幫緋聞男友）添！我哋都會拎番呢啲嘢嚟笑！」至於出唱片方面，她表示正在籌備當中。

森美變魔術追女仔

另外，主持人森美坦言綵排時看過參賽者的魔術，令他嘆為觀止，坦言曾以魔術識女朋友，問到可有在老婆面前表演？他說：「我嗰陣係教佢攞老鼠做實驗！」而楊秀惠則表示未有膽量表演刀鋸美人，因為有危險性需長期訓練。