黃婉曼搵靈感Annie G.做喪屍搶錢

由「天氣小姐」轉型為才女的黃婉曼（Icy），最近主持《撳錢》節目引起熱話，她透露自己的Tips是由iPhone Apps的《閱讀世界》尋找靈感：「依家無論化緊妝、搭緊車，一有時間我就會開嚟睇，個App直頭係個『書城』，咩類型嘅書都有，連漫畫都有埋，最啱喺度諗題目搵靈感，可惜佢只得簡體字，我咪當學埋簡體字囉！」她喜歡閱讀其他作者的遊記，或講述親身經歷的書，真人真事的故事較吸引她。

Icy坦言不懂在拍照時擺Pose，但她喜歡當攝影師，為風景或物件拍照及將相片「加工」：「有個App叫《Picture Magic》，佢雖然冇得加公仔同『變靚啲』，但影出嚟個變化效果真係幾好，好似黑白、懷舊Feel同局部性彩色，都可以整到好有個人味道。」

至於MonsterBeez成員Annie G.自認「機迷」，最近更迷上《Zombie Cafe》遊戲：「呢隻Game好搞笑，開間喪屍餐廳整啲古靈精怪食物賺錢，等啲正常人都變成喪屍，而且佢可以上Facebook同朋友玩，我已經同Hailey係隔籬鄰舍。」Annie透露這款Game令人很快「上癮」，想不停「升呢」變喪屍，還可以上網搶其他人的錢，令自己的喪屍餐廳規模愈變愈大。