RubberBand收人像素描型爆

入行多年的RubberBand（RB）收過歌迷不少窩心的禮物，日前又收到歌迷送上的素描肖像及紀念演唱會圖畫，令他們愛不釋手，成員阿偉說：「我哋啲歌迷都好有才華o架！好似有一位歌迷畫功好叻，佢就幫我哋四位成員各自畫咗一幅素描畫，畫得我好型仔o架！」而另一幅車形的圖畫則是另一位歌迷的心血作品，阿偉說：「佢將幅畫裁剪成車形，係配合番我哋以旅行車為主題嘅演唱會，佢加張相喺度，令成幅畫更靚。」

阿偉曾收到歌迷所送的名牌襟針，雖然他很喜歡，但歌迷多為學生及初投身社會的年輕人，經濟能力有限，故勸歌迷勿再破費：「我哋最鍾意啲唔使花錢，但好有心思嘅禮物。之前就有好多歌迷寫信畀我哋，全部都係對我哋啲歌同演出啲評語，有讚有彈，喺佢哋嘅文章中，我睇得出佢哋，真係有用心聽我哋啲歌，唔係盲目崇拜或惡意批評。」

RubberBand收到粉絲送的窩心禮物，令他們愛不釋手。

粉絲為RB成員畫肖像素描，又畫車仔畫配合演唱會主題。