林莉31歲雙喜臨門

模特兒林莉昨日31歲牛一,加上續約美容中心代言人,可謂雙喜臨門!難怪她身穿谷胸婚紗亮相,狂谷3吋「事業線」,吹蠟燭時更「峰」騷逼人,不過其心口竟出現紅印,甚為礙眼!談及生日願望,她希望到各地行騷,以及收到英國短毛貓做禮物。年齡是女人秘密,但林莉仍大方公開歲數:「31歲係女人嘅黃金年齡,睇落去仲呃得吓人!(多人追?)依家唔係好多!可能我太高,嚇親人!」她透露續約酬勞達6位數字,感到相當滿意,問她是否小富婆?她說:「婆仔就係!」

對於傳聞有o靚模曾在夜總會工作,林莉說:「我年紀同類型都唔係,唔關我事!(有傳林志玲去飯局?)唔知件事真定假,冇睇報道!(獲邀出席飯局?)冇,就算有工作要傾,同事都會幫我傾咗先!」

林莉收到生日蛋糕,自然吹蠟燭許個靚願。

林莉又大一歲,難得歲月並未留痕,難怪要開香檳。