江若琳參考《FLASH Outline》學化妝

由《Flash ON weekly》舉辦的《FLASH Outline彩妝藝術互動展覽》昨日吸引江若琳（Elanne）帶同其化妝師及髮型師到場支持：「我特登嚟撐《Flash ON》o架！仲有Sunny Lau，同埋我個化妝師、髮型師，因為佢哋兩個都有作品喺度展出。佢哋兩個平時化完啲作品都會即刻影相畀我睇，我都好想試吓呢啲咁大膽嘅彩妝。」她透露藝人都不敢嘗試大膽彩妝，因擔心化妝後別人認不出自己，她說：「我試過化一個二、三十年代嘅復古妝，條眉畫到好幼，化完啲人真係唔認得我呀！」她更有意向化妝師偷師：「我都好想學吓佢哋嘅化妝技巧，希望佢哋可以傳授畀我，如果唔係我會將Smoky Eyes化咗做真嘅熊貓眼。」

而場內展覽的大膽彩妝令Elanne大開眼界，她說：「我覺得成件事都好前衞，好Fashion，可以畀我做參考，日後我做演唱會時都可以化呢啲妝。」當眼大大的Elanne被問到覺得自己五官如何時，她說：「我啲朋友成日都笑我樣樣都大，因為我眼耳口鼻都大，其實都幾啱比例o架！我覺得幾性感吖，哈哈。」