趙碩之健胸任摸任捽

36D趙碩之昨日穿低胸裙出席活動，席間自爆每周都會到美容院做人手按摩，保持完美形態，她不諱言美容師又摸又捽其胸部，起初十分尷尬！

趙碩之（Wylie）昨日以代言人身份，出席於商場舉行的美容活動，穿上桃紅色低胸裙的她，豐滿上圍呼之欲出，期間她還當模特兒示範新款儀器，為免春光乍洩，Wylie醒目地以被遮裙。

問到身形高挑的她可滿意目前狀態？她笑說：「都滿意，不過手臂再Firm啲更加好，我唔想太大隻，其實運動都可以減肥，不過要出身汗，做機就有人服侍。（個胸使唔使Keep？）都要，每星期去美容院一次，用人手按摩，不過係女仔嚟嘅！（師傅有冇讚你身材好？）都有嘅，初頭就會尷尬，因為要畀佢摸同捽，慣咗就冇嘢。」

螢幕初吻獻關楚耀

而稍後與高皓正、關楚耀及趙彤合作亞視劇集的她，將與關楚耀有感情線，由於兩人高度有異，問到Wylie會否作出遷就？她笑說：「會就嘅！服裝指導都有同我提過。（有冇親熱戲？）有，不過未知會係點，都未收晒劇本，如果要錫嘅話，呢個就會係我螢幕初吻，唔知下次見到佢會唔會尷尬呢？」