Alice B.寫真宣言 當JC冇到

兩代Canon女郎交「峰」！第四代Canon廣告女郎Alice B.昨日欣賞《FLASH Outline彩妝藝術互動展覽》時，事先張揚會健胸操弗，準備拍寫真集，更揚言無視警鐘胸Jessica C.（JC）為競爭對手！

香港首創唯一免費Tabloid Size的時尚周報《Flash ON weekly》和多個國際級化妝品牌合作，以藝術角度打造具創意彩妝作品的《FLASH Outline彩妝藝術互動展覽》，昨日繼續在銅鑼灣時代廣場舉行。英泰混血模特兒Alice B.、楊愛瑾、董敏莉、連詩雅和莊思敏到場欣賞，Alice自爆在倫敦玩過同類妝容：「但效果唔夠現場呢啲作品咁靚，我聽到《Flash ON》呢個名好耐，行內有好多人大讚水準好高，好值得睇！」

將在香港及內地影寫真集的她，被問到會否全裸上陣，她說：「一定唔會！但會着比堅尼，我會抽時間做Gym同跳舞操Fit。（健胸運動？）哈！都會，但唔會節食，因為我太鍾意食嘢。（視Jessica C.為競爭對手？）從來唔會當佢係對手，因為大家嘅Style唔同。」

至於楊愛瑾坦言很想與《Flash ON》合作，留長髮的她更恨拍洗頭水廣告。問到緋聞男友永安太子爺郭永淳有否讚其長髮好看，她說：「哈！個個朋友都讚我有女人味。」而董敏莉則大讚作品華麗，更透露早前因貧血而休息，稍後才復工。自言愛藝術的連詩雅，欣賞《Flash ON》以藝術角度來打造妝容。

莊思敏讚創意極高

此外，莊思敏盛讚現場作品水準和創意極高，更勾起她以前常試玩不同妝容的日子。對於有指妹妹莊思明單戀陳司翰，她說：「唔係咁慘嘛？唔覺佢唔開心，佢哋係好朋友。（陳司翰係妹妹理想男友類型？）高大靚仔、屋企有錢，係女仔都鍾意啦！唔知點解妹妹成日咁多異性朋友，我同佢講，既然成日被人傳，不如搵個真啦！」而早前與張栢芝合演《無價之寶》的莊思敏，大讚栢芝親自煮五香肉丁炒烏冬好味，覺得謝霆鋒很幸福。

文、攝：名人組