伊健揮淚感謝YoYo分擔
鄭伊健一連三場的紅館演唱會前晚圓滿結束，圈中好友古巨基、張智霖與謝天華夫婦等捧場外，女友蒙嘉慧（YoYo）繼續力撐。全晚氣氛高漲，令伊健感動得多次灑淚，當歌迷高呼「YoYo」時，他亦識做地公開感謝女友。雖然最後三度安歌，但歌迷仍不捨得離開，要伊健再次出場鞠躬答謝。
慶功宴上，伊健感謝YoYo為他照顧家人，讓他專心工作。問到女友是否賢內助？他笑說：「唔係嗰個字，我哋之間嘅多謝感受到就得。」個唱反應熱烈，伊健亦希望可開Part 2，問到屆時會否搵女友演出？他笑說：「係監製錢國偉負責，佢口味唔同，要『事業線』好強。（你話YoYo『弱』？）咁OK同強係有分別。」提到未有再唱舊愛梁詠琪的《Today》，伊健指是監製陳光榮的決定，即被取笑「卸膊」，他抵死反擊：「唔可以話卸，係跣落去啫！」
伊健與謝安琪拖手合唱，掀起全晚高潮。
伊健與馬瑙「咀嘴」，希望冇激親女友！
伊健公開感謝示愛，蒙嘉慧冧到笑不攏嘴！
伊健感受歌迷不捨的熱情，激動得多次落淚。
張智霖 古巨基