雖然安仔揚言不視Sammi為終生伴侶，但堪輿學家陳子才表示兩人今年宜結婚，否則關係可能現暗湧：「八字上嚟講，今年屬鼠嘅Sammi踏入紅年同桃花年，紅鸞星動加上咸池星出現，令佢桃花好旺，容易同舊相好破鏡重圓！至於紫微斗數方面，佢哋兩個嘅盤好得意，出現破軍星化祿，主破鏡重圓，正正解釋佢哋最近復合嘅事。不過，因為夫妻宮吉星強加上帶紅鸞星，玄學上嚟講今年好強，如果唔結婚會有暗湧！生BB方面，Sammi有可能喺下半年懷孕，明年生BB。」