回應：網友質疑博宣傳

許志安翻撻鄭秀文哄動娛樂圈，網友在討論區懷疑有人為個唱造勢搞宣傳，亦有圈中人送祝福。

周柏豪：啱啱聽同事講知道呢件事，係好開心嘅事，由細到大都聽呢個消息好耐，一直都未有承認過吖嘛！安仔係非常好嘅前輩，佢竟然識唱我首歌，聽到呢個消息都好開心。

杜德偉：結婚！結婚！復合係好事，一世人有幾多個10年，佢哋經歷咁多嘢，應該好紮實。

呂方：梗係好事，佢哋開心咪得囉。

陳淑蘭：恭喜Sammi，好戥佢開心，佢之前話好乾旱，依家每日都如沐春風。我同佢以及另一個教友都係單身，教會嘅弟兄姊妹會為我哋祈禱，希望搵到個好伴侶，依家真係應驗咗！（Sammi之前有冇向你露過口風？）有啲關於查經班嘅嘢，我唔方便透露。

網友hk9527：「又係近Concert…又係同一對目標…到時又係同一個以為仲係好Hot嘅話題…」

網友FOBFOB：「講咗咁多年，一啲都唔意外，離離合合講幾十年真係有點兒煩悶。Anyway，恭喜佢哋先！」

郭羨妮：一直很想結果是這樣的！

莊思敏：恭喜呀！希望今次是最一次合，不要再分了！

口靚模楊梓瑤（Carol）：「恭喜恭喜，在我心目中，他們才是一對！」

蔡少芬亦在微博留言送祝福：「感謝主，願天父爸爸保護你和他，不受外界影響，無論任何處境，主愛伴隨，加你們力量。」