告別臭四再嘗戀味

據知，許志安與Sammi復合一事連好友亦不知情，Sammi密友透露她對情事向來口密，老友亦冇份「分享」，但她強調安仔跟Michelle分手與Sammi無關，Sammi更因硬食第三者「死貓」感不快。對於兩人復合原因，Sammi密友表示：「其實佢同安仔分手之後好少聯絡，到Sammi復出又咁啱同安仔一間公司，先多番接觸。」其實Sammi近年信主後頓變「神女」，性格變得隨和，將當年惡名「臭四」洗底，變身笑容可掬的「鄭四萬」，難怪安仔讚她改變大。

此外，Sammi及安仔經理人郭啟華坦言，近日才得悉二人復合：「佢哋有因為工作通電話，所以冇咩特別！同埋Sammi以前都去安仔屋企食飯啦，我估拍拖都係好近期嘅事！」問到安仔個唱是否邀請Sammi任嘉賓？他不諱言他倆的情歌相當經典，但安仔卻在名單上刪除了Sammi的名字，大抵是因愛火重燃不久，安仔分外小心保護所致。問到會否通知Sammi，安仔已承認復合？他說：「佢哋兩個會溝通（有冇廣告商邀請合作？）冇咁快！畀多啲時間佢哋！Sammi之前喺聲明講過要畀空間同時間，其實呢段感情承受好大壓力！」他又力撐安仔不會愚蠢得借復合宣傳。而身在雲南拍攝杜琪峯新片的Sammi至截稿前仍未表態。