姚瑩瑩HipHip位大擬自然分娩

懷孕4個月的姚瑩瑩，昨日挺着大肚宣傳新劇，她自嘲Hip位夠大，打算自然分娩；而同場的胡杏兒則坦言很羨慕。

胡杏兒、張智霖（Chilam）及姚瑩瑩等昨日宣傳新劇《魚躍在花見》，宣布懷孕後首度露面的瑩瑩透露預產期是7月，但每次照超聲波都看不到胎兒性別，她笑說：「佢唔肯畀我睇，但我冇所謂，只要佢健康就得。今次係意外，我恨咗好耐，開心又驚喜，朋友都叫我早啲生，唔係將來會有代溝！」她還打算自然分娩：「我想試吓，我個Hip位夠大，都會餵人奶，想個BB好。」

Chilam考慮個唱起舞

至於杏兒專程由橫店返港，問到同劇的緋聞男友黃宗澤（Bosco）有否同行，她笑說：「點解佢會陪我？佢都要趕埋尾。（喺嗰度拍拖咪好方便？）冇呀！真係做嘢咋！」她表示下月4日會到美加登台，問到是否順道註冊，她甜笑說：「我同鄭嘉穎去喎！（Bosco可以入境o架？）我3個月冇見你哋，招架不住呀！」她還坦言羨慕瑩瑩：「我冇咁快，我仲好後生o架咋！」

而Chilam則透露演唱會反應好，正準備加場，談及跳舞，他說：「我係識跳舞，只不過唔跳啫！（請教郭富城？）過兩招啦！會叫佢教我。」同場還有贊助劇集的板長壽司店老闆鄭威濤，對於經常被拍得與不同女性約會，他尷尬地說：「乜你哋問埋啲咁嘅嘢，應酬嚟o架啫！」