蔡少芬準備感受十級痛
大肚的蔡少芬與楊洛婷昨日專程到澳門主持護膚品牌專櫃剪綵，貪靚的蔡少芬仍穿上5吋高跟鞋亮相，剪綵後蔡少芬飲香檳，大會送上一籃護膚品及BB衫，令她非常雀躍：「趁依家身形仲着到嘛！」
對於懷孕多少個月，蔡少芬守口如瓶，問到是男或女時，她說：「已經照咗，等老公講，佢係一家之主嘛！（自然分娩定開刀？）我一向好勇敢，想試十級陣痛，呢啲機會一生人可能只得一、兩次，會叫老公陪產。」
提到有指她患強直性脊椎炎，但因佗BB而停藥，蔡少芬說：「呢個病結婚前已經有，唔痛就唔使食藥，佗BB可能對衡番，令硬咗嘅骨拉鬆，依家反而連一般大肚婆嘅腰痠背痛都冇。」對於有指她因佗BB而失眠，她說：「我喺微博寫呢幾日失眠啫！懷孕後易忟，但未去到狂躁程度，情緒好快平復到。」
貪靚的蔡少芬穿五吋高跟鞋出席公開活動。
楊洛婷有份出席活動，稍為露肩騷Quali。