湯怡當洪卓立人肉沙包
英皇小花湯怡(Kathy)外表柔弱斯文,但原來十分好動,尤其愛玩 Boxing。因Kathy將於明年一月赴無錫拍戲,並在當地逗留一個月,故近日經常健身喼弗。原來她相當Kick得,當她與健碩教練Zero過招時,亦毫不輸蝕,尤以凌空飛踢沙包甚為出色,絕對是有姿勢有實際。
問到會否相約緋聞男友洪卓立 Boxing,Kathy笑說:「佢畀我當沙包咁踢啦!佢都估唔到我咁打得同踢得。」因要暫別香港一段時間,她擔心會疏於練習,曾考慮帶備拳套赴內地:「我身形屬易肥易瘦,諗住帶埋拳套過去,對住幅牆打,但教練話我可以跳繩練氣同練腳。(試過受傷?)腳同膝頭都試過撞瘀,而且扭傷腰!(學嚟防狼?)學定幾招都幾好!」
湯怡與大隻教練玩Boxing,巾幗不讓鬚眉﹗