周志文周志康處男拍劇怕NG
孖生兄弟周志文和周志康孖住上《超級巨聲》比賽曾引起話題，雖未能勝出，卻贏得工作機會，除拍廣告外，其處男劇《居家兵團》已出街。兩兄弟初次拍劇，飾演汪明荃（阿姐）與夏雨的一對孖仔，均大呼最怕NG：「驚累到劇組，阿姐好錫我哋，佢話NG唔緊要，最緊要態度認真，用心去做。」大孖志文表示享受拍劇：「唔同唱歌，拍劇情緒轉變可以好大，一首歌嘅情緒好少話變得好犀利，腎上腺素飆升感覺好好！」問到會否覺得孖仔形象是個框框？細孖志康說：「唔會，有哥哥帶住我會好啲，可以互相提點，呢個圈好少孖仔，反而係個優勢。」大孖表示不介意兩兄弟當作一個單位，因觀眾起初便以這個身份認識他們。
孖仔周志文（右）、周志康拍廣告又拍劇，人氣不俗！