焦媛顧住「濕平」 冷落高志森

焦媛和高志森感情穩定，但日前記者發現焦媛與女友人Shopping，高志森慘被兩人冷落，但仍甚有風度，沒有埋怨

近日忙於綵緋音樂劇《我的快樂時代》的焦媛，日前與一名年約20多歲的女子到尖沙咀，穿梭各大時裝店血拚。兩人甫進入時裝店，焦媛即化身形象顧問，為女友人挑選衣服和飾物。焦媛相當細心，不時給予意見，又揀選不同的飾物配襯，女友人亦相當受落。期間，高志森突然殺到，但兩人仍顧住買衫，未有多加理會。高志森在場呆等，但仍沒有半句怨言，最後三人逗留近一小時，高志森主動付款才離開。

打造熟女形象

事後記者致電焦媛，她承認早前曾血拚：「個女仔係高志森個女嚟o架！佢啱啱喺美國返嚟香港，我哋咪約埋一齊買衫囉！佢個女喺美國教書，幫佢揀啲成熟啲嘅衫。（識佢好耐？）好耐o架喇！大家平時都有上網傾偈，佢好叻女，斯文又有禮，思想好成熟。」記者再聯絡高志森，他說：「Tonia（高子詠）喺美國Indiana University教音樂嘅，話要返香港陪我過聖誕，咁咪一齊出嚟行街囉！焦媛同佢感情好好o架！佢哋平時都有傾偈聯絡。」