江若琳拍MV慘變特技人

歌手江若琳近來頻頻北上攻內地市場，下周將正式推出首張國語EP，她為新歌挑戰多個高難度動作，令人喜出望外！

江若琳（Elanne）近期轉戰內地搵銀，下月5日將於北京推出首張國語EP《唯有愛》，為籌備當日的新碟發布會，Elanne每日加緊練舞：「新歌都係搵好朋友Sunny Wong幫手，不過佢一於冇面畀，畀咗好多高難度動作我做，要凌空一字馬、拗腰、騎膊馬，搞到我好似個特技人咁！」

地獄式瘦身

Elanne坦言練舞消耗不少體力，但為保持最佳體態，惟有忍痛節食：「地獄式瘦身同埋健身訓練，我呢個月都只係可以食蛋白同埋飲菜湯，見到好多美食都要忍口，真係好辛苦！」但她坦言辛苦都是值得，公司老闆見她乖乖節食，答應她發布會後「賜」她海鮮大餐！

Elanne日前為主打歌《唯有愛》拍攝MV，於零下8℃的低溫下，穿上單薄的露腰裝跳舞，導演及工作人員都讚她夠專業。明日便踏入2011年，她表示最想放假吃喝玩樂，就算只得一日亦滿足！